الجمعة، 17 مارس، 2017

مجرد شهوة


- اظن ان شهوة الكلام المفروض تتحط اول شهوة في ترتيب الشهوات ، للاسف الشهوة دي عندي منعدمة بقدر كبير ، و كاي شهوة لما بتحاول تعملها محاكاه بتقتل متعتها و بيبان عجزك فيها ، عشان كده على طول ساكت و بتوصف بالبرود. 
- اخر شات كان بيني و بين البنت اللي ارتبط بيها قالت كلام كتير بس كل اللي فاكره انها قالتلى انت ممل ، اكتر حاجه ضيقتني في حياتي كانت الكلمة دي ، مش عشان اخدتها على انها إهانه بس كشفتني قدام نفسي و مش عجبنى اللي شفته . 
- السادية حالة من عدم الاتزان النفسي بيستمتع فيها الشخص بأذية اللي حواليه و استحقاره ، على حسب معلوماتى عن علم النفس انه غالباً الحالة دي بتحصل لما الشخص يتعرض لإهانه و تعذيب جسدي في فتره في حياته ، بس اللي اكتشفته ان التعذيب النفسي له نفس التأثير  ، في فتره بعد الأنفصال بحكم اني وحيد و حياتى الإجتماعية محصلتها صفر ، كنت برجع للعلاقة تاني مع اني عارف انه غلط بكل مقاييس الانسانية ، بس كان احسن من الوحدة ، بس لما قررت اني مش هرجع تاني الموضوع كان صعب ، ساعتها قررت اني همنع نفسي بكل الطرق ، حاربت كل رغبة جوايا اني ارجع عذبت نفسي و منعتها عن حاجات كتير عشان مش ارجع ، و للاسف قلب معايا باني بقيت بميل للسادية . 
- بالمناسبة انا بكره اتكلم في الموبايل ، و برد على 3 مكالمات من كل  10 مكالمات ، و ده مسبب ليا ازمة مع ناس كتير بس مفيش حد هيفهم ان ده غصب عني. 
-  الاغنية دي ( Evanescence - Lithium ) فيها كوبليه معبر جدا .. 
" Darling, I forgive you after all
Anything is better than to be alone
And in the end I guess I had to fall
Always find my place among the ashes " 

الثلاثاء، 28 فبراير، 2017

نوع آخر من الأدمان




- النهارده استرجعت ذكريات أيام الثانوية كنت مع أتنين صحابي في نفس التوقيت ده من 3 سنين بس هم دخلوا مجال الجيش و انا اتحشرت في ملل المجتمع المدنى .
- بعد اخر علاقة دخلتها كنت مستهلك كلياً ، ظلمت البنت اللي كانت معايا ، أفتكر قولتلها "انا معدش فيا اي حاجه حلوه ادهالك" اظن الجملة دي كانت كفيلة انها تنهي العلاقة دي بس مش عارف هي كملت ليه؟! ، اعتقد انها كانت خايفه من الفشل مش فضلت معاياً عشان بتحبني او اي كان ، بالمناسبة البنت دي انا حالياً بفكر فيها.
- خدت قرار اني مش هدخل علاقة تانية بالرغم انى في اشد الحاجه لشخص تحديداً أنثى في حياتي ؛ لسبب بسيط اني عارف هفضل مستهلك بذكرياتي و مش هعرف اتغلب علي ده ، و هيكون ظلم للطرف التاني ، صعب ابقا نفس الشخص القديم اللي كان عنده كمية طاقة بيحس بيها اي حد بيقرب مني و بسبب ده حالياً علاقتي الإجتماعية تكاد تكون منعدمة.
- اتفرجت على Collateral beauty النهاردة  الفيلم جسد حقيقة تعمق المشاعر مع الأشياء و المسلمات الغير ملموسة بعد مع الشخص بيتعرض لصمدمة قوية او لما بيفقد شخص مهم في حياته
-  "It's like deep profond connection with everything and i realized it was collateral beauty "
-  الفيلم كان عبقري ، أسترجعت الفتره اللي كنت فيها في نفس الحاله ، كان عندي كمية غضب و لامبالاه كبيره بس كأي فترة أو حالة في الدنيا بتاخد فترتها و بتعدي بس مش بتختفي لها اوقات بترجع فيها زي أول مرة و يمكن أكتر من الأول بس بنتعلم نتكيف معها و بنتعايش. 
-  بالمناسبة شعوري بالوحدة لسه موجود بس مش حاسس بيه يمكن ده السبب في أني مش بعيط زي الاول. 

السبت، 18 فبراير، 2017

Stars and Scars

كالعادة مفيش أي تغيير ؛ بعد أكتر من سنتين نفس الأحساس ، تقريباً انا ملعون بالوحدة و هفضل كده فاشل في أي حاجه بتحتوى على بشر  .
يقال أن البشر بتتولد في  بعد تاني قبل ما يتولدوا في عالمنا و بيختار حياته اللي هيعيشها سواء كان ملاك أو شيطان أو بشري ، أظن أن ده الأختيار الوحيد اللي ربنا سمح لينا بيه ، مش عارف ليه أنا أخترت أكون بشري .. أي كان كنت أتمنى أكون شيطان عالاقل مش هحس بالوحدة .
حالياً بسمع .. 

 This cut is the deepest - Swallow the sun 

You are nothing but a shadow
of the beauty what you used to be
blank painting with silver frames.
You know when things turned all so wrong?
Afraid to tell the truth, locked inside yourself.
I promise this won't hurt you
at least as much as all these lies.
You are nothing but a shadow
of the beauty what you used to be
deceitful and shallow; yes
you know when things turned so wrong.
Dim line between two broken hearts
long road to perdition.
One will stand, one will fall.
See the stars, touch your scars
face the dark eye to eye.
Touch the stars, feel the warmth
my love, this cut is the deepest.
Dim line between two broken hearts
long road to perdition.
One will stand, one will fall...
You are nothing but a shadow
of the beauty what you used to be
deceitful and shallow; yes
you know when things turned so wrong.
See the stars, touch your scars
face the dark eye to eye.
Touch the stars, feel the warmth
my love, this cut is the deepest.

الجمعة، 10 فبراير، 2017

مش عارف هستمر في التدخين ولا لأ !


من فترة قررت اني اقفل الفيس و أمسح أكونت الواتساب ، أعتقد ان وجودهم بيزود الأحساس بالوحدة ، و كده بقالي 5 أيام من غيرهم - مع ان مفيش حد بيكلمني أو بكلمه -
حياتي عبارة عن الشغل في مكتب الطباعة و الافلام اللي بنزلها هناك و أتفرج عليها لما أروح و الأيام بتكرر و ده أحسن حاجه ، مش بشيل هم غير هلبس ايه و انا رايح الشغل بس و ده في حد ذاته انجاز ليا .
أزمات الإكتئاب اللي بتيجي ليا  قلت بصورة كبيرة و بقت عبارة عن حالات مش بتزيد عن كام ساعة بس .
الدراسة هتبدأ كمان يومين المفروض اني أرجع اذاكر عشان مش أعيد السنة تاني بس انا شايف ان المذاكرة مش لها اي فايدة بس هحاول أعدي .
مش عارف هستمر في موضوع التدخين ده ولا لأ بس أتمنى أستمر  ... 

الخميس، 9 فبراير، 2017

مجرد بداية

( ٩-٢-٢٠١٧ ) تم إنشاء المدونة ..

ليس بالكثير لا اعلم لما اخترت هذا الأسم ، و لكنه يعبر عما استطيع قوله ، قررت إنشاء المدونة بعد تملك الوحدة مني ؛ لعلها تصلح من أمري و لو قليلاً .